Nálægðin er meiri en þig grunar

Einu sinni var ég í Lögreglunni í Kópavogi. Og einu sinni var ég sendur, vegna kvartana skólastjóra eins ónefnds grunnskóla í Kópavogi, að radarmæla í nágrenni skólans. Mikið hafði verið um hraðakstur og vildi skólastjórinn reyna að koma í veg fyrir slys með því að láta okkur vera sýnilega í nágrenni skólans. Gott og blessað, við mættum á svæðið um kl. 08:00 og það bar vel í veiði. Síðan vorum við kallaðir uppá stöð. Þá hafði blessaður skólastjórinn hringt aftur og bað okkur um að hætta þessu, flestallir sem við tókum voru starfsmenn skólans og restin var að aka börnunum sínum úr hverfinu í skólann. Þannig að það eru ekki alltaf "aðkomumenn/konur" sem eru sekir. Því væri gaman að vita hversu margir búa þarna við Digranesveginn af þeim sem voru teknir ?

Kiddi: lentir þú í myndavélinni ?

Yfir og út - meira síðar

184 brutu umferðarlög á Digranesvegi í gær

Athugasemdir

[Helga R. Einarsdóttir, 12.9.2007 kl. 16:25]

Ég skil nú ekki hvers vegna skólastjórinn bað um stöðvun aðgerða og þá heldur ekki hvers vegna eða hvort tekið var mark á þeirri beiðni. Var hægt að horfa fram hjá afglöpum starfsmanna og foreldra?

Ef eitthvað er hefði ég viljað sjá harðar tekið á þerra hegðun. 

[Kristberg Snjólfsson, 12.9.2007 kl. 16:32]

Nei ég passa mig á börn í hverfinu þannig að ég virði hraðatakmörkin maður er ekkert fljótari að keyra á 40

[Margrét M, 13.9.2007 kl. 11:18]

fliss .. tek undir með Helgu R .. þvílikir vitleisingar