Í fangelsi með þessa menn strax

Ef þetta er satt hversvegna er ekki búið að taka þessa menn og stinga þeim inn ???????  Á meðan þeir ganga lausir og tíminn líður þá verður alltaf erfiðara og erfiðara að ná þessum peningum aftur og skuldirnar sliga hinn almenna borgara á meðan þessir menn hlæja alla leið í bankann í skattaskjólinu á Cayman eyjum eða Tortilla eða hvað þetta heitir.

Mér fannst Davíð standa sig vel og nú er spurn hvort Jóhönnu sé sætt lengur, hún var á þessum Ríkisstjórnarfundi sem Davíð nefndi og ber því ríka ábyrgð sem og hinir ráðherrarnir, jafn Sjálfstæðismenn sem Samfylkingarmenn.

Yfir og út - meira síðar


mbl.is Helgi Magnús: Davíð sendi bréf
Tilkynna um óviðeigandi tengingu við frétt

Séreignasparnaður, bjargvættur heimilanna !!

Það var nú málið, leyfa okkur aumingjunum að taka út séreignarssparnaðinn, hann á að redda öllu.  Hinsvegar þarf Ríkið sitt og tekur tæplega 40% af honum í skatta.  Verst er að fjármagnstekjuskattur er bara 10% þannig að það á bara að greiða 10% fjármagnstekjuskatt af ávöxtuninni en ef maður gengur á höfuðstólinn þá á að greiða tekjuskatt enda eru lífeyrissgreiðslur skattfrjálsar.  Ég sé hinsvegar ekki hvernig þetta á að hjálpa, eina raunverulega hjálpin er að reikna skuldir heimilanna niður, þ.e. festa vísitöluna m.v. 1. mars 2008 og afnema verðtrygginguna.  Skuldir heimilanna eru 2000 milljarðar, það eru ígildi tveggja ára í þjóðarframleiðslu, hvað með að afskrifa skuldir heimilianna og hækka skatta í staðinn ?  T.d. að skattprósentan yrði 50% en á móti kæmi þyrfti ekki að greiða af húsnæðislánum.  Svo yrði stíft aðhald og enginn gæti keypt sér íbúð nema að undagengnu stífu mati og lánsupphæðin bæri fasta vexti allan lánstímann þannig að greiðslubyrði yrði vituð, hámarksvextir yrðu t.d. 4 - 5 % og láglaunafólki yrði léttur r´´oðurinn með vaxtabótakerfi.

Yfir og út - meira síðar

PS. 2000 milljarðar, frekar vil ég afskrifa skuldir heimilanna en borga IceSave


Ég hvet alla til að lesa eftirfarandi færslu .....

........... sjá meðfylgjandi slóð:

 

http://www.visir.is/article/20090213/FRETTIR01/978435176   


Bloggþurð

Alfa   Beta

Alfa                            Beta

Það hefur verið lítið bloggað að undanförnu, mikið að gera og það sem ber hæst er að við eignuðumst tvíbura þann 7. janúar 2009, 2 stráka, 9 merkur og 47 cm.  Þannig að það hefur verið nóg að gera.

Í þjóðmálunum hefur það helst gerst að það hefur ekkert gerst, sú ríkisstjórn sem tók við ætlaði nú heldur betur að láta verkin tala, bretta upp ermarnar og bjarga heimilinum.  Hefur þú orðið var við einhverjar aðgerðir?  Hefur þessi blessaða ríkisstjórn gert eitthvað af viti til bjargar heimilinum?  Og svarið er NEI.  Þeir sem göspruðu hæst í stjórnarandstöðu þegja núna þunnu hljóði og virðast ætla að láta allt fara til fjandans og helst lengra en það.

Kosningar verða 25. apríl 2009.  Það þarf að verða endurnýjun í þingmannaliðinu, losna þarf við kafbátana sem ekkert hafa gert, s.s. Árna Johnsen, Ellert B. Schram, Guðjón Arnar og fleiri sem ég get ekki nefnt vegna þess að maður man ekki nöfn á þeim sem maður heyrir aldrei um Woundering

Yfir og út - meira síðar 


Gleðilegt Nýtt Ár

Kæra fjölskylda og vinir, Gleðilegt Nýt Ár og takk fyrir árið sem var að líða.  Erfitt ár en ég er viss um það að 2009 verður ár þar sem Íslendingar snúa bökum saman og komast aftur úr þeim öldudal sem við lentum í seinni hluta síðasta árs.

 Síðan í byrjun ágúst síðasta árs fuku 13,9 kg :)))  Á þessu ári verður haldið áfram :)

 Yfir og út - meira síðar


Kemur ekki á óvart.......

.............þegar glæpamennirinr eru ennþá við stjórnvölinn hversvegna skyldu þeir þá leyfa skattinum að komast í það allra heilagasta, þ.e. upplýsingar um hversu miklu var skotið undan rétt fyrir hrunið. Nú keppast þeir við að selja bankana erlendis svo íslenska ríkið, sem á þá ennþá, geti ekki komist í gögnin sem sýnir spillinguna og siðleysið. Með því að ráða alla starfsmenn gömlu bankanna aftur þá er það eins og að lögreglan skipi glæpamanninn sem framdi glæpinn yfir rannsókn síns eigins glæps.

Yfir og út - meira síðar


mbl.is Fær ekki gögn um dótturfélög bankanna í Lúxemborg
Tilkynna um óviðeigandi tengingu við frétt

Betri tíð með blóm .....

..... haga eða hvað. Gengið er að styrkjast og fer tvennum sögum af þvi hversvegna. Annarsvegar segja menn að gjaldeyrishöftin séu að virka og styrkingin sé afleiðing þess að það er ekki hægt að flytja pening út úr landinu, bara inní landið. Hinsvegar segja stjórnmálamennirnir að þetta sé vegna þess að nýju gjaldeyrisslögin séu að virka og að þetta sé komið til að vera. Hvort heldur sem er þá vonar maður að gengisvísitalan nái aftur á þær slóðir sem hún var í fyrir hrun eða 140 - 150 stig, vonandi lægri eða í kringum 120 stig.

Ég hef hinsvegar áhyggjur af verðbólgunni, hún æðir áfram og það hafa engin vitræn ráð komið fram til að vernda hinn almenna borgara frá því að tapa húsinu sínu. Ég vil að verðtryggingin verði afnumin enda er hún mjög ósanngjörn. Jóhanna Sigurðardóttir lagði fram þingmannafrumvarp árið 2005 um afnám verðtryggingarinnar. Þá var hún í stjórnarandstöðu, getur hún ekki dustað rykið af því frumvarpi og lagt það fram aftur sem stjórnarfrumvarp?

Meðgangan gengur vel :) tvíburarnir eru væntanlegir í enda janúar á nýju ári :)

Yfir og út - meira síðar


Grjótkast úr glerhúsi

Gylfi Arnbjörnsson forseti ASÍ er orðinn óvinur hinna vinnandi stétta. Blekið var varla þornað á atkvæðaseðlunum í forsetakjöri ASÍ þegar Gylfi talaði um að verðtrygginguna mætti EKKI afnema, það væri svo slæmt fyrir Íbúðalánasjóð og lífeyrissjóðina í landinu. En honum er sama þó fólkð í þessu sama landi verði gjaldþrota vegna verðtryggingarinnar sem er að sliga heimilin í landinu. Honum er semsagt smaa þó 15 - 20 þúsund fjölskyldur verði gjaldþrota núna á næstu mánuðum. Og með þessum ummælum sínum þá sést að hann er að ganga erinda atvinnurekenda því hann hljómar eins og Vilhjálmur Egilsson.
mbl.is Frumvarpið vottur um uppgjöf
Tilkynna um óviðeigandi tengingu við frétt

Talað úr fílabeinsturni

Í dag finnst mér eins og nýkjörinn forseti ASÍ hafið tekið lyftuna á hæstu hæðir í fílabeinsturninn og tali "niður" til okkar þaðan.  Blekið var varla þornað á kjörseðlunum í forsetakjöri ASÍ að hann fór að dásama verðtrygginguna.  Hana mætti sko ekki afnema vegna þess að það væri svo skaðlegt fyrir lífeyrissjóðina í landinu (þessa sömu og gömbluðu með fé okkar og töpuðu því).  Og íbúðalánasjóður myndi verða fjárþurfi fljótlega.  Hann Gylfi (forseti ASÍ) áttar sig bara ekki á því að undir liggja 90% af heimilum landsins sem verða með neikvæða eiginfjárhagsstöðu, tæknilega séð gjaldþrota, þegar að verðbólgan hefur hækkað verðtryggðu lánin.  Á meðan lánastofnanirnar (Íbúðalánasjóður, bankarnir og lífeyrissjóðirnir) eru með belti (vexti), axlabönd (verðbæturnar) og öryggisbelti (ríkisábyrgð) þá erum við sauðsvartur almúginn ekki með nein öryggistæki.  Og svo talar forsætisráðherra vor að "allir" verði að vinna saman og faðmast í gegnum erfiðleikana.  Í orðanna hljóðann táknar þetta; "bend over and take it dry in the %$#"

Verðtrygging er ekki til í hinum vestræna heimi nema á Íslandi.  Þegar ég er að útskýra verðtrygginguna fyrir útlendingum þá gapa þeir af undrun og segja; "hvernig getið þið þá gert greiðsluáætlanir fram í tímann"?  Við erum komin á botninn á þá er lag að byrja á hreinu borði.  Afnemum verðtrygginguna og komum á stöðugleika til að fólk þurfi ekki að þola þessa fjárhagsrússíbanareið eins og hefur verið hér undanfarna áratugi.  Setjum lög svo að hægt sé að frysta eignir þeirra sem rökuðu að sér fé áður en banakarnir hrundu, rannsaka málin ofan í kjölin og burt með gamla liðið úr bönkunum, þetta er sama hyskið og var að tæta pappír allt fram á síðustu stundu fyrir hrunið.  Breyta lögum um Seðlabankann og fá nýja stjórnendur þar inn, ný lög um Fjármálaeftirlitið og nýtt fólk þar inn.  Og þó við þurfum að fá erlenda aðila til að gera þetta, þ.e. rannsaka og stjórna til að byrja með þá skiptir það ekki máli.

Yfir og út - meira síðar


Það er rétt....

...staðan er mjög alvarleg. Eignir fólks eru að brenna á verðbólgubálinu og mér finnst ráðamenn þegja þunnu hljóði um hvað skal gera við verðbótaþátt íbúðalána og verðtrygginguna yfir höfuð.  Blekið var varla þornað á atkvæðaseðlunum í kjöri til forseta ASÍ þegar hann sagði að verðtrygginguna mætti ekki afleggja því þá myndu lífeyrissjóðirnir og Íbúðalánasjóður fara á hausinn.  Ef ég mætti velja þá vel ég frekar að Íbúðalánasjóður fari á hausinn én sá fjöldi íbúðaeigenda sem á fullt í fangi með að greiða afborganir sínar og eignir þeirra eru orðnar verðlausar.  Svo er hann settur yfir nefnd sem á að koma með tillögur til úrbóta hvað vanda lántakenda varðar.  Ég segi; burt með verðtrygginguna og það strax.

Yfir og út - meira síðar


mbl.is Staðan er grafalvarleg
Tilkynna um óviðeigandi tengingu við frétt

Næsta síða »

Höfundur

Björn Zoéga Björnsson
Björn Zoéga Björnsson
Snillingur  allavega að sögn annarra
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband